Lourensrivier Gemeente is toevertrou tot bevredigende, God-verheerlikte huwelike en ag gesonde huwelike as ‘n kardinale aspek in die Koninkryk van God. Daarom is die huweliksbediening daar om elke huwelik te help om alles te wees wat God hierdie instelling gemaak het om te wees.
Huweliksverryking:
Dit is belangrik om gereeld huweliksverrykingsseminare by te woon. Hierdie seminare is saamgestel uit jare se ondervinding, studie en kennis en kan verhoed dat pare dieselfde foute maak wat mense alreeds begaan het. Dit leer mens ook wyshede en kennis vanuit die Woord oor hoe om ‘n Goddelike huwelik te hê.
Kontak die kerkkantoor vir inligting rondom seminare wat beplan word of om op datum te bly met seminare in die omgewing (021 853 5991)
Huweliksberading:
Soms het mens hulp nodig van ‘n mede-Christen wat as instrument in God se hande jou kan help om jou huwelik te bou. Daarom verskaf ons huweliksberading vir pare wat dit nodig het.
Kontak gerus die Kerkkantoor (021 853 5991) vir meer inligting of om 'n afspraak te maak met die Pastorale Beraders wat beskikbaar is.
Klik op hierdie skakel vir hulp.
Klik op hierdie skakel vir insiggewende Huweliksartikels wat jou sal help om jou huwelik te bou.
Klik op hierdie skakel vir die Faceboek bladsy: MY HUWELIK IN PRAKTYK vir huweliksraad en bemoediging
Huweliksvoorbereiding:
Vandag, meer as ooit, is dit noodsaaklik dat jy moet voorberei vir die belangrike lewenslange taak om aan ‘n Christelike huwelik en jou verhouding met jou lewensmaat te bou.
Die een kursus wat aangebied word is "Voorbereiding vir die Huwelik". Die kursus is ontwikkel deur “FamilyLife” en is ‘n dinamiese program wat ontwikkel is om jou te help om die fondasie te lê vir ‘n sterk, Bybelse huwelik. Ons het toegewyde en goed opgeleide egpare wat dit aanbied. Die kursus duur ±6 weke (een uur per week).
Ons bied ook die "Prepare and Enrich" kursus van FAMSA aan. Dit word deur 'n opgeleide pastorale berader/sielkundige aangebied.
Lees meer oor die kursus hier: http://www.famsawc.org.za/marriage-preparation-and-enrichment
Om een van hierdie kursusse te doen, kontak gerus die kerkkantoor by 021 853 5991 of Hierdie e-posadres word van Spambotte beskerm. Jy moet JavaScript ontsper om dit te lees..
